Plantun de Prouvènço

Pèr coumpara dos planto d'encò nostre

Gentianopsis ciliata & Arundo donax

Gentianopsis ciliata

Gentianaceae

Nom en français : Gentiane ciliée.

Descripcioun :
La gencianeto-ciliado que trachis subretout dins li mountagno mejano èi pas di pu coumuno au nostre. Fai de pichòti mato sènso fueio basalo alor que lis autro soun en formo de lanço. Se recounèis à si petalo bluio e ciliado sus li bord d'en bas.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 25 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Gentianopsis
Famiho : Gentianaceae

Coulour de la flour : Bluio
Petalo : 4
Ø (o loungour) flour : 2 à 2,5 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero roucaiouso - Bos clar - Basso mountagno - Mountagno mejano
Estànci : Subremediterran à Subaupen
Couroulougi : Éurasiatico-Cèntre-Ouèst
Ref. sc. : Gentianopsis ciliata (L.) Ma, 1951 (= Gentianella ciliata (L.) Borkh., 1796 )

Cano

Arundo donax

Poaceae Graminaceae

Autre noum : Canié.

Noms en français : Canne de Provence, Roseau à quenouilles.

Descripcioun :
La cano que ié dison "de Prouvènço" es uno plano bèn couneigudo emé si grando e gròssi tijo lignouso d'enviroun 3,5 cm de diamètre, si long rizoumo espès e si fueio verdalo de 2 à 5 cm de larg.

Usanço :
La cano que nous vèn dóu cèntre de l'Asìo, fuguè proun plantado pèr proutegi li culturo dóu mistral. Nòstis àvi se n'en servien pèr gaubeja mant'uno besougno : pèr eisèmple pèr apara li det dóu tai dóu voulame (li dedau) o enca pèr acroucha lou calèu (la moco). Lou rizoumo èi manjadis (li fueio peréu, mai soun proun amaro) cue (rousti o bouli) o adouba en farino pièi mesclado à d'autro. Emai èro pas gaire emplegado coume planto vertuouso, aro d'ùni prouprieta soun estado troubado coume dins la dessensibilisacioun pèr l'alergìo.